Жастарға несие: 3344 жоба мақұлданды

Мемлекет басшысының Қазақстан халқына Жолдауын іске асыру мақсатында «Аграрлық несие корпорациясы» АҚ арқылы жастарға жеңілдікпен шағын несие беру тетігі іске қосылған болатын.
Биылғы 10 тамыздағы мәлімет бойынша 5,3 мыңнан астам өтінім түсіп, 3 344 жоба мақұлданды.
Премьер-министрдің баспасөз қызметі хабарлағандай, 2 577 жобаны іске асыруға 11,4 млрд теңгеге несиелер берілді. Қалған жобалар қаржыландырылу үстінде.
Несие алушылардың басым бөлігі мал шаруашылығы, қызмет көрсету, сауда, өсімдік шаруашылығы және жеңіл өнеркәсіп салаларындағы жобаларды іске асырушылар.
Несие 21-35 жас аралығындағы азаматтарға өз кәсібін ашу немесе оны кеңейту үшін беріледі.
Жалпы 2023 жылы 29 млрд теңге сомасына 5 796 шағын несие беру жоспарланған.
JQ-Aqparat