Жасанды интеллект Жаслан Мәдиевке екінші рет некеге отыруға рұқсат бермеді

Сурет: gov.kz

Бүгін Үкімет отырысында  Цифрлық даму, инновациялар және аэроғарыш өнеркәсібі министрі Жаслан Мәдиев eGov-тағы жаңа көмекшіні таныстырды. Министр онлайн көмекші арқылы некені қалай тіркеуге болатынын көрсетті. Бірақ жасанды интеллект Жаслан Мәдиевке екінші рет некеге отыруға рұқсат бермеді, деп хабарлайды jasqazaq.kz

Министр жүйе оны одан әрі өткізбейтінін түсіндірді, себебі оның некесі бұрыннан тіркелген. 

Премьер-министр Олжас Бектенов министрдің осылайша жүйені айналып өтпек болды деп әзілдеді.

Жүйе сізді әрі қарай өткізеді деп дәмелендіңіз бе? Бүгінгі отырыстан кейін әйеліңізбен қиын әңгіме болайын деп тұр. Жалғастырыңыз, — деді Олжас Бектенов.

JQ-Aqparat