Жап-жаңа көлікті тез «шірітуге» болады!

Көлік ұрлау — бүкіл әлемде бар нәрсе. Содан да болар, халық ұрылардан қорғану үшін небір қулықтарға барады. Бірақ Шотландиядағы мына жігіттің тірлігі бәрінен асып түсті: ол өзінің су жаңа Volkswagen Transporter көлігін шіріген ескі мәшинеге айналдырып қойды. Енді бұған ешбір ұры қарамайды!

Фургонның иесі көлікті сәндеумен айналысатын Clyde’s Wraps деген компанияның көмегіне жүгініпті.

Винил жапсырманың арқасында әп-әдемі «Фольксваген» шіріген ескі-құсқы темірге айналып шыға келді.

Көлік иесі темір тұлпарының жаңа ұсқынына қатты қуанды. Бірақ өзінің айтуынша, енді оны көшеде полиция тоқтатып, «көлігіңе не болған, жүруге жарай ма өзі» деп жиі сұрайтын болыпты.

Фургон иесі енді ұрылардан қорықпай, көлігін кез-келген жерге қаңтарып кете береді.

Айтпақшы, бұл көлікті енді жууға апарып, шығын шығармай-ақ қойса болады, өйткені шаң мен кір-батпақ бұған ерекше жарасады.

kaz.365info.kz