Жанды дауыста ән айтқан Айқын мен Луина әннің сөздерін ұмытып қалды (видео)

Айқын мен Луина жергілікті мейрамханалардың бірінде жанды дауыста ән айтты. Айқын осыған дейін өздері орындап жүрген әннің сөздерін ұмытып қалды.
Жұлдызды жұп орындаған ән «Дуэт» деп аталады. Қос эстрада жұлдызы былтырғы жылы бұл әнге бейнебаян да түсірген болатын.

Сахналық көріністен видео жариялаған ол: «Кейде ән мәтінін ұмытып қалатын сәттеріміз де болады. Есесіне жанды дауыста әрі шын жүректен орындап тұрмыз. Айтпақшы, осы әнді Мәскеу радиоларында қойып жүр дегенді естіп едім», – деп жазды.

Сөзін ұмытып қалғанымен, сахнаға әбден төселген әнші бұл тығырықтан оңай құтылып кетті. Сөздерін алмастырып, қателескенін білдірмеуге тырысты. Бәлкім, өзі айтпаса, оның ән мәтінін ұмытып қалғанын ешкім байқамас па еді, сіз қалай ойлайсыз?
https://www.instagram.com/p/BK-f6_PA2KZ/?taken-by=aikyn

stan.kz