Жанболат пен Жазира: Үйде тамақтың жоқтығын білдірмедік

Отандық бағдарламаға сұхбат берген әнші Жанболат Ербатыров пен Жазира Байырбекова отбасылық өмірде көрген қиындықтарын мен кафелерде ән айтқан кездерін еске алды.

«Қиыншылық отбасын құрған кезде басталды. Жауапкершілік болғаннан соң, күн-түн демей жұмыс істедік. «Сайран» автовокзалында күндіз грузчик болып жұмыс істейміз. Кешке кафеде ән айтамыз. Сөйтіп жетістікке жеттік қой. Пәтерімізді алдық. Ән жаздырттық, аппаратура алдық, сахнаға шықтық», — дейді Жанболат Ербатыров. Әншінің жұбайы Жазира отбасылық өмірдің алғашқы жылдарындағы жоқшылық кезеңдерге тоқталды. «Таңғы бесте тұрып, грузчик болатын. Кешке алтыда келіп, асығыс тамағын ішеді. Сосын кафеге ән айтуға барамыз жетіде. Мен де жұмыс іздеп, әр ресторанға бас сұғамын. Ыдыс жуушы болсам да істегім келетін. Жанболат оқушылар сарайында гитарадан сабақ та берді. Бос уақыт болмайтын. Ал ол жерде алты-жеті айлық жоқ.. Әпкеміздің үйіне барамыз. Бірақ бізде намыс мықты болатын. Ешкімге жоқтығымызды білдірмедік», — дейді Жазира Байырбекова.

JQ-Aqparat