Жанболат Найзабеков: Біз ішімдіксіз тойды ғана басқарамыз

Актер Жанболат Найзабеков отандық бағдарламаға сұхбат берген кезінде асабалықпен айналысатынын айтқан болатын. Өнер иесі той иесінен қанша гонорар алатыны жайлы да сөз етті.

«Маған көбіне аналарымыздан «Балам тойымды басқарып берсең» деп ұсыныс түседі. Біз ішімдіксіз той басқарамыз. Адал дастархан, адал той, ішімдіксіз той жүргіземіз. Карантиннен кейін театр жігіттері жеке той басқаратын болдық. Тойға қатып қалған сценарий жоқ, қонақтардың көңіл-күйіне байланысты жүргіземін. Гастроль болатын кезде бастығымыз той алмайсыңдар дейді. Біз тойға тек үш ай жазда шығамыз. Гонорарым әртүрлі, 100 мың теңгеден бастап млн теңгеге дейін. Халықтың көңіліне де қараймыз. Бізді тойында қатты көргісі келгенімен қалтасы көтермейтін жандар болады. Ондай кісілерге ұсыныс жасап, барып тұрамыз», — деді Жанболат Найзабеков.

JQ-Aqparat