Жаңаөзендегі жарылыс бойынша қылмыстық іс қозғалды

17 сәуiр 2023, 13:22

Жаңаөзендегі жарылыс дерегі бойынша қылмыстық іс қозғалды. Бұл туралы Маңғыстау облысы әкімінің баспасөз қызметі хабарлағандай, ведомствоаралық комиссия жұмыс істейді.
Ауруханаға жатқызылғандардың барлығы травматология бөлімшесінде ем алады. Жағдайы ауыр тұрғындар жансақтау және қарқынды терапия анестезиология бөлімшесіне, бір пациент облыстық ауруханаға жедел авиациялық тікұшақпен жеткізіледі. 4 адам мерт болды.
Облыс әкімі Нұрлан Ноғаев: «Зардап шеккендерге және олардың отбасыларына материалдық көмек көрсетіледі, жаңа тұрғын үй беріледі. Апаттық жұмыстарға көмек көрсеткен еріктілер мен қала тұрғындарына алғыс айтамын. Қазіргі уақытта барлық адам үйінді астынан шығарылды», — деді.

JQ-Aqparat