Жамбыл облысында жарты жылда 253 қару тәркіленді

Жамбыл облысының полиция департаментінің мамандары заңсыз сақталған қаруларды іздеу жұмыстарын қарқынды жүргізіп жатыр.
«Осы жылдың бірінші жартыжылдығында полиция қызметкерлері 253 бірлік қару, 4431 бірлік оқ-дәрі тәркіленді. Атап айтқанда, 17 автомат, 70 тапанша, оның ішінде 10 ПМ, 147 тегіс ұңғылы мылтық, 19 мылтық және 15 граната. Алынған қарулардың ішінде 41 қару Қаңтар оқиғасы кезінде Жамбыл облысының полиция департаменті ғимаратынан ұрланған. Барлық деректер бойынша сотқа дейінгі тергеу амалдары жүргізіліп, сот-баллистикалық сараптама тағайындалды», – деп хабарлады Жамбыл облыстық полиция департаменті бастығының орынбасары полиция полковнигі Нұржан Рахметуллаев. Облыстық полиция департаментінің баспасөз қызметі көпшілікке үндеу тастады. Қару-жарақтың, оқ-дәрілердің, арнайы құралдардың орналасқан жері туралы хабарлаған немесе оларды полицияға өз еркімен тапсырған адам, егер басқа құқық бұзушылықтарға қатысы болмаса, қылмыстық және әкімшілік жауапкершілікке тартылмайтынын ескертті.

JQ-Aqparat