Жалған жолдама жарға жықты

-Баламның памперсін ауыстыруға бола ма?
— Әрине.
— Мені түсіруді доғарыңдаршы.
Қылмысы әшкере болған Ғалия Шарапова сот үкімін естіген соң, кішкентай баласын сылтауратып, журналистерге жауап беруден бас тартты. Алматыда туристерді алдаған келіншек емізулі баласымен түрмеге қамалды. Сан соғып қалған азаматтардың ішінде Алматы, Шымкент, Атырау мен Ақтау қаласының тұрғындары және турагенттер де бар. Өзін турфирма басшысымен деп таныстырған Ғалия Шарапова жұрттан шамамен 60 млн теңге жинап, ізін суытқан. Cудья сотталушының емшектегі баласы барына қарамастан, осы іске нүкте қойды. 3 жылға бас бостандығынан айырылып, барлық мүлкі тәркіленді. Жазасын жалпы тәртіптегі колонияда өтейді. Және 6 жыл туризм саласында жұмыс істей алмайды. Жалпы бұл келіншектің жылмысқы әрекетінен 80 адам сан соғып қалған. Бірақ полицияға арызды соның тек 11-і жазыпты. Ал келтірілген материалдық шығын көлемі 60 миллион теңге. Қыруар қаржыны үптеп кеткен Ғалия Шарапова турагенттіктердің бірінен мәліметтер ұрласа, келесісінде жолдама жасаған. Ал 8 айлық баласын өз еркімен туыстарының қарауына бермеген жағдайда ол балалар үйіне өткізілетін болады.

Ktk.kz