«Жайлы мектеп»: ел бойынша 2,4 трлн теңгеге 369 мектеп салынады

24 тамыз 2023, 11:47

Сурет: primeminister.kz

Үкіметтің баспасөз қызметі хабарлағандай, «Жайлы мектеп» ұлттық жобасы аясында 2,4 трлн теңгеге 369 мектеп салынады.

2022 жылдың қыркүйегінде Мемлекет басшысы Қасым-Жомарт Тоқаев «Жайлы мектеп» ұлттық жобасын әзірлеуді және жүзеге асыруды тапсырған болатын. Президент әрбір қазақстандық оқушының білім алуы мен жан-жақты дамуы үшін лайықты жағдай жасалуы керектігін атап өтті.

Ұлттық жоба апатты мектептерді, үш ауысымда оқытуды және оқушылар орнының тапшылығын жоюға бағытталған.

Жоба аясында 740 мың оқушыға арналған жаңа бағыттағы 369 заманауи мектеп салу жоспарлануда.

Қалаларда – 205, ауылдарда 164 білім беру нысаны салынады.

217 ғимараттың құрылысын 2024 жылы, тағы 152 ғимаратты 2025 жылы аяқтау жоспарланған.

Жалпы жобаны жүзеге асыруға барлығы 2,4 триллион теңге бөлінеді.

JQ-Aqparat