Жұмысшының зардап шеккені туралы ақпарат жалған

Астанада «ЭКСПО» көрмесі аумағындағы төтенше жағдайдан кейін бір жұмысшының ауруханаға жатқызылғаны туралы ақпарат жалған.

Baq.kz хабарлағандай «бүгін, сағат 13.30-да Халықаралық мамандандырылған көрме территориясында С1 мен С2 павильондары арасындағы декоративті көпір ретінде салынған құрылым құлады. Айта кету керек, бұл құрылым тек декоративті болып табылады және оның ешқандай функционалдық қызметі жоқ. Жанындағы павильондарға зиян келген жоқ. Ал зардап шеккендер туралы ақпарат жалған», — деп жазылған Қ«Астана ЭКСПО-2017» ұлттық компаниясы» АҚ Қоғаммен байланыс департаменті таратқан хабарламада.

Құрылымды нысанның мердігері BI Group компаниясы қалпына келтіреді.

Естеріңізге салып өтсек, бүгін түсте ЭКСПО көрмесі аумағында декоративті көпір опырылып түсті. Кейінірек оқиға орнына келген жедел жәрдем көлігінің бір жұмысшыны ауруханаға алып кеткені хабарланған еді.