Зергерлік дүкенді тонағандар ұсталды (Видео)

Криминалдық полиция басқармасы мен полиция басқармасының жедел қызметкерлері жүргізген арнайы операцияның нәтижесінде зергерлік дүкеннің мұқият жоспарланған тонауы анықталды.

Еске түсірсек, 1 мамыр күні белгісіз біреулер жертөле арқылы дүкенге кіріп, 180 млн теңгеден астам сомаға зергерлік бұйымдарды ұрлап кеткен.
Осы дерекке қатысты Қылмыстық кодекстің 188-бабы 4-бөлігі бойынша сотқа дейінгі тергеу басталды.
ПД басшылығының нұсқауы бойынша бірнеше жедел топ құрылып, Ақмола және көрші өңірлердің аумағында бірқатар жедел – іздестіру іс-шаралары жүргізілді.
Нәтижесінде елордада екі күдікті ұсталды. Олар — 1977 және 1988 жылы туған Астана қаласының тұрғындары. Заттай дәлелдемелер, ұялы телефондар, байланыс құралдары және ұсталғандар мініп жүрген көлік тәркіленді.

 

Посмотреть эту публикацию в Instagram

 

Публикация от JAS QAZAQ (@jasqazaqkz)

Қазір қылмыстық істі тергеу жалғасып жатыр. Күдіктілер қамауға алынды.

JQ-Aqparat