Өзбек боксшысы өзіне доқ көрсеткен африкалықты сұлатып салды (видео)

Кәсіпқой бокста 10 жекпе-жек өткізіп, барлығында жеңіске жетіп үлгерген өзбек боксшысы Құдратилло Әбдукахоров зимбабвелік Чарльз Маньючиге (20-3-1, 12 КО) қарсы кездесу өткізіп жеңіске жетті.

Африкалық боксшы ә дегеннен қарсы ұмтылған. Алайда оның қимылы сау емес, алкогольді мас күйдегі адамның әрекетіне көбірек ұқсап кетіп жатты. Ол өзін осылай ұстау арқылы, қарсыласына доқ көрсеткісі келген сияқты. Бірақ, өзбек спортшысы өзін салмақты ұстап, сауатты тактика қолдануға тырысты.

stan.kz хабарлағандай, соққыларын үдеткен Құдратилло Әбдукахоров көп ұзамай, африкалықты ногдаунға түсірді. Аяғын тәлтіректеп әрең басып тұрғанына қарамастан, төреші жекпе-жекті жалғастыруға рұқсат еткен. Бірақ, бірден шабуылға көшкен өзбекстандық боксшы Чарльзды жалпағынан құлатты.

https://www.youtube.com/watch?v=NW5spdXWXRg&feature=youtu.be