«Защита-Астана» пойызы жолда бұзылды

Өскеменнен Астанаға шыққан пойыз жолда бұзылып қалды.Бұл туралы «Жолаушылар тасымалы» АҚ баспасөз қызметінің өкілдеріне сілтеме жасап Tengrinews.kz тілшісі хабарлады.

Баспасөз қызметінің өкілдерінің айтуынша, 2016 жылдың 17 мамырында сағат 11.02-де Еркіншілік-Сары-Оба өткелінде (Астананың кіреберісі) техникалық ақауына байланысты №67 «Защита — Астана» пойызы тоқтатылды.

Жолаушылардың барлығы №801 «Павлодар — Астана» пойызына отырғызылып, жолға шықты. Олар Астанаға 15.18-де келіп жетті.

Баспасөз қызметінің өкілдері Астанаға келген жолаушылардың өтемақы ала алатынын айтты. «Жолаушылар тасымалы» АҚ ыңғайсыздық туғызғаны үшін кешірім сұрайды», — делінген компанияның хабарламасында.