Заңсыз қару-жарақ түрлері тәркіленді (Видео)

Ұлттық қауіпсіздік комитетінің қызметкерлері полиция мен прокуратура органдарымен бірлесіп қарудың заңсыз айналымына қарсы іс-қимыл бойынша бірқатар жедел іздестіру шараларын жүргізді. Табылған қару-жарақтың ішінде Қаңтар кезінде ұрланғандары да бар. Бұл туралы Ұлттық қауіпсіздік комитеті хабарлады.
Індете іздеудің нәтижесінде 42 қару («МР-40» автоматы, «Драгунов» снайперлік винтовкасы, 22 мылтық, 18 тапанша), 8 граната, РПГ-ның 2 снаряды, 4051 түрлі калибрлі оқ-дәрі, сонымен қатар броньды қорғаныс кеудешелер, автоматтардың оқжатары, радиостанциялар және пышақтар тәркіленді. Бұл фактілер бойынша сотқа дейінгі тергеу жүріп жатыр.
Заңсыз айналымда жүрген қару-жарақты іздестіру мен тәркілеу іс-шаралары алдағы уақытта да жалғасын табады.

JQ-Aqparat