Заңсыз әкелінген тауарды сатуға жол берілмейді

Алматы қаласы Түрксіб ауданы бойынша Мемлекеттік кіріс басқармасы арнайы жүргізілген тексеру шаралары шеңберінде темекі өнімдерін сәйкестендіру құралынсыз саудалаудың 8 дерегін анықтады. Тексеру кезінде шетелде өндірілген 160 950 қорап (3 219 000 тал) темекі өнімдерінің заңсыз әкелініп, бөлшек саудаға шығарылғаны анықталды.

Заңсыз әкелінген өнім Алматы қаласында сатылған. Қазақстан Республикасы Әкімішілік Кодексінің 684-бабына сәйкес, әкімшілік материалдар Алматы қаласындағы Арнайы ауданаралық әкімшілік сотына жіберілді. ҚР Әкімшілік құқық бұзушылық туралы кодексінің 2-бабында қарастырылғандай, құқық бұзуға түрткі болған акцизсіз тауар тәркіленеді және құқық бұзушы 150 айлық есептік көрсеткіш мөлшерінде айыппұл төлейді.

Қазақстан Республикасында енгізілген сәйкестендіру құралдарымен міндетті таңбалау арқылы тауарлардың қозғалысы автоматты түрде бақылауға мүмкіндік береді. Сол арқылы тауарлардың сапасын мен қауіпсіздігі анықталады. Сондай-ақ өнімін өткізушілер арасында адал бәсекелестікті қамтамасыз етуге жағдай жасайды.

Әлішер Бейсенбайұлы Әлтаев,
Алматы қалалсы Түрксіб ауданы МКБ бас маманы