Ұлтынан неге жеріді екен?

Жамбыл облысында осы жылдың үш айында бір емес, 13 адам өзінің ұлтын ауыстыруға өтініш берген. Жамбыл облысы полиция департаменті көші-қон қызметі басқармасының бастығы Арман Тұрдалиев мәлім етті.
Жамбыл облысында 528 адам анықтама деректерін өзгертуге өтініш білдіріпті, оның ішінде 501 адам тегін ауыстыруды қаласа, 14 адам туған күні мен жылын өзгертуге өтініш жазған, ал қалған 13-і жоғарыда айтқандай, ұлтын өзгертуді дұрыс шешім деп тапқан. А.Тұрдалиев
Қазақстан Республикасының азаматтығына жеңілдетілген тәртіппен қабылданған – 542 адам, ҚР Президентінің Жарлығы бойынша қабылданған 54 адам құжатын алғанын айтты. Жамбылдықтарға 9657 паспорт және 23591 жеке куәлік беріліп, 4295 азаматтың жоғалған құжаттары қайта қалпына келтірілген. Жыл басынан бері облыс бойынша жеке басын куәландыратын құжаттар ресімдеу үшін 33 мың 139 электрондық өтінім жіберілген.

JQ-Aqparat