Ұлттық қауіпсіздік – тәуелсіздіктің тұтастығы

Елімізде ұлттық қауіпсіздікті қамтамасыз етудің тың тәсілдерін енгізу қажет. Өйткені ұлттық қауіпсіздік дегеніміз – мемлекеттің, тәуелсіздіктің қауіпсіздігі. Үкімет үйінде өткен еліміздің әлеуметтік-экономикалық дамуы жөніндегі кеңесте Мемлекет басшысы Қасым-Жомарт Тоқаев осы салаға тың серпін қажет екенін баса айтты.
«Бізге ұлттық қауіпсіздікті қамтамасыз етудің тың тәсілдері қажет. Сол үшін тиісті стратегияны заман талабына сай қайта қарау керек. Сыртқы саясат тұжырымдамасы да жаңартылуға тиіс. Бұл құжат мүлде басқа геосаяси жағдайда қабылданған. Қазір көп нәрсе өзгерді. Яғни, ішкі қауіпсіздікті сақтау, қорғаныс қабілетін күшейту, Қазақстанның және бүкіл Орталық Азия аймағының халықаралық деңгейдегі беделін арттыру мәселелері басты назарда болуы керек» екенін ескертті Мемлекет басшысы.

JQ-Aqparat