ҰҚК: Жыл басынан бері 91 қос азаматтығы бар қазақстандық анықталды

31 қантар 2025, 10:07

2025 жылдың басынан ҰҚК Шекара қызметі өткізу пункттерінде бір мезгілде Қазақстан Республикасының және басқа мемлекеттің азаматтығы бар адамдардың шекарадан өтуінің 91 фактісін анықтады, — деп хабарлайды jasqazaq.kz ҰҚК-нің баспасөз қызметіне сілтеме жасап.

Ұсталғандар ісі қарау үшін полиция органдарына берілді.

«Құқық бұзушылықтардың негізгі бөлігі жақын шетел азаматтарына тиесілі болды. ҰҚК Шекара қызметі қазақстандық заңнамаға сәйкес қос азаматтықтың болуы 300 айлық есептік көрсеткішке дейін айыппұл салуға немесе әкімшілік жолмен шығарып жіберуге әкелетінін еске салады. Бұдан өзге, қазақстандықтардың басқа мемлекеттің азаматтығын алуы Қазақстан Республикасының азаматтығынан айыру үшін тікелей негіз болып табылады», — делінген хабарламада.

2024 жылы Мемлекеттік шекарада 1190 қос азаматтық фактісі анықталды.

Сурет: Gov.kz