ҰҚК Таяу шығыстан есірткі тасымалдайтын топты ұстады

Ұлттық қауіпсіздік комитеті Каспий акваториясы арқылы Таяу Шығыс аумағынан есірткі заттарын елімізге контрабандалау арнасының жолын кесті.
ҰҚК баспасөз қызметі хабарлағандай, биылғы 3 қыркүйекте Маңғыстау облысында есірткі мәмілесін жасау барысында бір топ адам ұсталды, олардың қатарында Мемлекеттік шекарадан шағын өлшемді жүрдек катерлермен заңсыз өткен шетел азаматтары да бар.
Хабарламада: «15 кило апиын, 20 кило гашиш, 50 қорап «трамадол» апиынды анальгетигі, сондай-ақ навигация және техникалық байланыс құралдары тәркіленді. Бұл факт бойынша Қылмыстық кодекстің 297-бабы 3-бөлігі («Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу») бойынша сотқа дейінгі тергеп-тексеру жүргізілуде», — делінген.
Қылмыстық-процессуалдық кодекстің 201-бабына сәйкес, өзге ақпараттар жария етуге жатпайды.
JQ-Aqparat