Қаңтар оқиғасына қатысты Ұлттық қауіпсіздік комитетінің 11 қызметкері қылмыстық жауапқа тартылып жатыр. Бұл туралы Мәжілістің жалпы отырысында Ұлттық қауіпсіздік комитеті төрағасының орынбасары Марат Қалқабаев мәлімдеді. Депутаттардың сауалына М.Қалқабаев: «Қазіргі кезде Ұлттық қауіпсіздік комитетінде 11 қызметкер қылмыстық жауапкершілікке тартылып жатыр. Кейбір істер бойынша тергеу аяқталды, кінәлілер қылмыстық жауапкершілікке тартылды. Бұл (қаңтар оқиғасы бойынша) қылмыстық қудалауға байланысты», — деп жауап берді.
Қаңтар оқиғасынан кейін комитет құрамында тиісті тексеру жүргізілгенін айта келе: «Осы орайда бұйрық талаптары мен қызметті атқару тәртібіне, оның ішінде лауазымды тұлғалардың жауапкершілігіне қатысты елеулі өзгерістер енгізілді. Мұнымен қоса, бүгін талқыланып жатқан заң жобасында әр қызметкер іс-әрекетінің белгілі бір алгоритмі мен патриотизмді тәрбиелеуге бағытталған тиісті түзетулер көзделген», — деді ҰҚК өкілі.
JQ-Aqparat
WhatsApp: +7 705 717 9113
