ҰҚК діни экстремизмге қатысы бар бес адамды ұстады

Ұлттық қауіпсіздік комитеті Алматы облыстық прокуратурасының үйлестіруімен, полиция органдарының қатысуымен Алматыда, Алматы және Ұлытау облыстарында діни-экстремистік әрекеттерді ұйымдастырды деген күдікпен 5 қазақстандық азаматты ұстады.

Сонымен қатар, тыйым салынған ұйымның әрекетіне қатысқандығы белгілері бойынша 17 адамға «шығуға болмайтындығы туралы қол қою» түрінде бұлтартпау шарасы қолданылған. Фигуранттардың тұрғылықты жерлерін тінту барысында діни әдебиеттер мен басқа да заттай дәлелдемелер алынды. Бұлардың төртеуі бұрын экстремистік қылмыстар жасағаны үшін сотты болған. Тоғызына тыйым салынған ұйымның қызметіне қатысуға жол берілмейтіні туралы ресми ескерту жасалған.

Қазір Қылмыстық кодекстің 405-бабы 1 және 2-бөліктері бойынша сотқа дейінгі тергеп-тексеру жүргізілуде.

JQ-Aqparat
Суреттер: ҰҚК баспасөз қызметі