ҰҚК Алматы мен Астанада ірі үш есірткі зертханасын жойды

Шілде айында Астана мен Алматыда Ұлттық қауіпсіздік комитеті полициямен бірлесіп, прокуратура органдарының үйлестіруімен 3 ірі есірткі зертханасын әшкереледі.
Осы қылмысқа қатысы бар Қазақстанның 8 азаматы ұсталып, соттың санкциясымен қамауға алынды.

Тінту барысында 93 килодан астам синтетикалық есірткі, кристалдану сатысындағы 70 литр мефедрон, сондай-ақ 255 кило прекурсор мен зертханалық жабдықтар алынды.
«Қара» нарықта тәркіленген есірткінің құны 2 млрд теңгеден асуы мүмкін.
Қазір Қылмыстық Кодекстің 297-бабы бойынша сотқа дейінгі тергеу жүріп жатыр.

JQ-Aqparat

Сурет: ҰҚК баспасөз қызметі