Қыдырәлі Болманов ақындығымен таңғалдырды

Продюсер әрі әнші Қыдырәлі Болманов енді ақындығымен таңғалдарды. Ол айтыс дүлдүлдерімен түскен суретін жариялап, оларға жыр шумақтарын арнады.
Бұл туралы Stan.kz хабарлайды.

Қыдырәлі Болманов айтыс марқасқалары – Ринат Зайытов, Қайнар Алагөзов және Төреғали Төреәлімен бірге түскен суретін көрсетті.

Оның тұсына:

«Мен тұрмын ақындардың арасында,
Жақсымен жайсаңдардың бәрі осында.
Қожабай мен Болманның ұрпағымын,
Хақым бар ақындармен санасуға.
Жігіттер төрт көзіміз түгел болып
Қазақтың біз жүрейік даласында!» – деп жазып қойды.

Желі оқырмандары Болмановтың айтыскер ақындардан кем түспейтінін айтып жатты.

“Пах, шіркін, ақыннан несі кем?”, “Қыдырәлі аға, жарайсыз. Керемет өлең шумақтарын жазыпсыз. Сізде де ақындық қасиет бар-ау шамасы”, “Аға, ақындығыңыз да бар ма?”, “Сіз де ақындардан асып түспесеңіз, кем түспейтін сияқтысыз”, “Сіз де ақынсыз ғой, МашАлла”, “Қыдырəлі, сен де ақын серісің бе, Басқа қырдан көріп тұрмын желі ішінде. Тамаша жігіттерді көріп тұрмын, Дәрежесі жоғары елі ішінде. Өнерің үстей берсін! Кыдырəлі ақын деп қояйын”, – деп пікір білдірді таңданысын жасыра алмаған желі оқырмандары.