WhatsApp-та жіберілген хабарламаларды өшіру қызметі қосылады

Facebook желісіне тиесілі WhatsApp мессенджерін құрастырушылар жіберілген хабарламаны өшіруге немесе түзетуге мүмкіндік беретін фунцияны қарастырып жатыр.

caravan.kz хабарлағандай, WhatsApp-та жіберілген хабарлама сұр түсті болып тұрады. Ал, қолданушы оқығанда ол көк түске айналады. Енді жіберуші хабарламаны өшіріп тастайтын болса, орнында «жіберуші хатты алып тастады» деген сөз шығады, деп хабарлайды Mashable.

WhatsApp қарастырып жатқан тағы бір қызмет түрі Snapchat өшірілген жазбаларын еске салып тұрады. Instagram не ВКонтакте желісіндегідей сурет не басқалары статустың жоғары бөлігінде шығатын болады. Бір тәуліктен соң автоматты түрде өшеді.

Сонымен қатар топтық чатта өзінің мекен-жайын көрсету қызметі де қосылуы мүмкін.