WBC белбеуінде Қазақстанның Туы мен Головкин бейнеленетін болды

Бүкіләлемдік бокс кеңесінің (WBC) жасыл және алтын түстес белдігі соңғы 37 жылда өзгеріске ұшырады. Оған Қазақстанның байрағы енді. 

baq.kz хабарлағандай, WBC белбеуінде бокс тарихындағы ең үздік мен ең мықтылар бейнеленіп келеді. Олардың қатарында Мұхаммед Али, Майк Тайсон, Леннокс Льюис, Рэй Леонард, Роберто Дюран, Хулио Сезар Чавес, Ларри Холмс, Виталий Кличко, Марвин Хаглер, Томми Хернс, Оскар де Ла Хойя және Флойд Мэйвезер бар. Енді Геннадий Головкинге көрсетілген құрмет ретінде Қазақстанның Туымен бірге оның бейнесі мықтылардың белбеуінде көрініс табатын болады.