«ВКонтактедегі» «өлім топтарына» тыйым болмай тұр

Қырғызстанда әлеуметтік желідегі суицидке шақыратын топтың кезекті құрбаны туралы кеше ғана суыт хабар тарады. Оқиға Бішкекте болған. Онда 18 жасар қыз Республикалық психикалық денсаулық орталығына жеткізілген.

Ол қыз өзінің тамырын кесіп жіберген. Бұл туралы «Вечерний Бишкек» газеті хабарлады. Бойжеткеннің азып-тозып кеткенін байқаған жігіті жедел медициналық жәрдем мен милицияны шақырған.

Аталған орталықтың директоры Урайымжан Исмайыловтың айтуынша, бұл қыз «ВКонтактедегі» суицидке шақырушы топ басшылары жіберетін «Синий кит» ойынын 4 күн бойы ойнаған. Ақыр аяғында ойын әкімшісі оған «тамырыңды кес» деп бұйырыпты. Бірақ қыз бақытына орай бұл бұйрықты дұрыс орындай аламаған. Дәрігерлер қазір оның жағдайы жақсы дейді.

kaz.caravan.kz