Универсиада жеңімпаздары марапатталды

«Самұрық-Қазына» АҚ Басқарма төрағасы, еліміздегі Ұлттық шаңғы жарыстары  федерациясының президенті Өмірзақ Шөкеев  Алматы қаласында өткен 28-ші Қысқы Универсиадада жоғары нәтижелерге қол жеткізген  спортшылады  марапаттады.

Марапаттау рәсіміне 28-ші Қысқы Универсиада чемпиондары мен жүлдегерлері және олардың жаттықтырушылары қатысты. Спортшыларымыз  алғыс хаттар мен қаржылай сертификатқа ие болды.

Өмірзақ Шөкеев: «Қол жеткізген жеңіс – үздіксіз жаттығулардың, біздің бірлескен еңбегіміздің жемісі! Менің ойымша, шаңғы жарысы және тұтастай барлық спорт түрін дамыту — біздің елде бұл өте маңызды міндет. Еш уақытта қол жеткізген жетістікте тоқтап қалмай, және жаңа жеңістерде спорттағы өз жоғары мәртебелеріңізді растауды тілеймін», — деген лебізін білдірді.

Универсиада жүлдегерлері алған әсерлері туралы айтып, сенім артқаны үшін алғыс білдірді. Спортшы Анна Шевченко: «Біздің міндет, мақсатымыз және арманымыз — бұл, әрине олимпиада ойындарына жолдамалар жеңіп алу. Бұған біз жоспарлы түрде келеміз, және өте тыңғылықты дайындалудамыз. Универсиада бізге өзімізді жоғары дәрежеде көрсетіп және қарсыластарымызды көруге жақсы мүмкіндік берді. Біз 100% еңбегімізді көрсетуге тырыстық, — деді.