Түрлі сылтаумен жобаны қымбаттату эпимдемияға айналды

Жобаларды түрлі сылтаумен қымбаттату эпидемияға айналды. Бұл туралы Мәжілістің жалпы отырысында Жоғары аудиторлық палатаның төрағасы Наталья Годунова айтты.
«Бюджет қаражатын тиімсіз жұмсау мердігерлер мен жеткізушілер арқылы жиі жүзеге асырылады. Өйткені бюджеттік деңгейде бәрі барынша ашық бола түсті. Төрт жыл бұрын жобалық-сметалық құжаттаманы асыра бағалау 30 пайызға дейін жетіп, бұл сома жылына шамамен 1 трлн теңгеге жететін. Ал қазір құрылыс материалдарына бағаның өсуін пайдаланып, жоғары инфляция туралы әңгімелермен жобаларды қымбаттату эпидемияға айналып отыр», — деді палата төрағасы.
Бүгінде асыра бағалау бюджеттің бір трлн теңгесінен де асып түсетін болған.

«Бұл қаражат әлі күнге дейін шеше алмай келе жатқан апатты және үш ауысымды мектептер мәселесін шешер еді немесе бүгінде басым бөлігі әрең тұрған жылу электр орталықтарын жаңғыртуға болар еді», — деді Наталья Годунова.

JQ-Aqparat