Түркістан: Тоқыма-мата өндірістік базасын салу жөнінде келіссөз жүргізілді

08 шiлде 2025, 14:36

Түркістан өңірі мақта өсірумен айналысатындықтан, мұнда мақта және тоқыма кластерін дамыту бағыты да жолға қойылған. Жуырда облыс әкімі Нұралхан Көшеров шетелдік ірі компанияның бас директорымен кездесіп, мата өндіру, киім тігу саласында инвестициялық жобаны жүзеге асыру жайын жан-жақты талқылады.

Түркістан облысы әкімінің баспасөз қызметінің мәліметінше, аймақ басшысы өңірде мақта-тоқыма кластерін дамытуға аса басымдық берілгенін айтып, бірлесе жұмыс істеуге дайын екенін жеткізді.

Нұралхан Көшеров: «Түркістан облысында мақта-тоқыма кластерін құруды қолға алдық. Қазіргі таңда мақта өңдеудің толық циклын қамтитын ірі жобалар жүзеге асырылуда. Сіздер ұсынған жобаларды да зерделеп шықтық. Өңір экономикасына тиімді жобаларды қолдауға әрқашан дайынбыз. Құжаттандыру жұмыстарын сүйемелдейміз. Шарттарымыз да бар. Талаптарды белгілеп, жіті зерделеп, меморандум жасаймыз», — деп атап өтті.

Осы жобаның аясында жіп иіру желілерін, сондай-ақ, джинсы маталарын шығаратын, киім тігетін өндіріс желілерін іске қосу жоспарланған. Ол үшін Түркістан қаласындағы «TURAN» АЭА аумағынан 20 гектар жер қарастырылуда. Тоқыма өндірістік базасы үш кезең бойынша жүзеге асырылмақ. Атап айтқанда, бірінші кезеңде роторлық иіру өндірісінің, екінші кезеңде сақиналы иіру өндірісінің, үшінші кезеңде джинсы мата өндірісінің құрылысын жүзеге асыру көзделген.

Компания басшысы барлық өңірлер арасынан таңдауы Түркістанға түскенін айтып, жіп иіру және мата шығару бағытындағы жетістіктерімен бөлісті. Жоғары сұранысқа байланысты киім-кешек тігетін зауыт салуды да жоспарлап отырғанын айтты. Құрылыс жұмыстарын биыл бастауға дайын әрі келесі жылы бірінші кезең бойынша жұмыстарды аяқтауға ниетті екенін жеткізді.

100 пайыз жергілікті шикізатты, яғни осы өңірде өсірілетін мақтаны пайдалана отырып, өнімді Еуразиялық экономикалық одақ (ЕАЭО) шеңберінде экспортқа бағыттау, соның ішінде Орталық Азия, Ресей және Еуропа нарығына шығару көзделген.

JQ-Aqparat
Сурет: Түркістан облысы әкімінің баспасөз қызметі

Бүгін, 12:38

Мемлекеттік кеңесші: Президент реформаларының ең үлкен жемісі – қоғамдық санадағы сілкініс

25 маусым, 12:55

Нурпеис Акбаев: Развитие языка - общая ценность, объединяющая все этносы нашей страны

25 маусым, 12:51

Серикбай Пиримбеков: Расширение сферы применения государственного языка — системный и непрерывный процесс

24 маусым, 13:56

Бахытжан Бокебаев: Уважение к языку — показатель развития общества

24 маусым, 13:55

В Туркестанской области построят завод по глубокой переработке цветных металлов и производству кабельной продукции

23 маусым, 13:03

Туркестан: в государственную собственность возвращено почти 50 тысяч гектаров земель

23 маусым, 13:01

Туркестан: Новые проекты в сфере животноводства и переработки сельхозпродукции

22 маусым, 13:53

Нурлыбек Налибаев в ходе рабочей поездки в Туркестанскую область обсудил вопросы развития экотуризма

22 маусым, 13:51

Туркестанская область: восемь лет масштабного развития социальной инфраструктуры

ИНТЕРНЕТ - ГАЗЕТ

Jasqazaq TV

Біздің Жоба

Бәріне ортақ журналистика