Түркістан облысы – қылмыс аз жасалатын аймақтар қатарында

02 сәуiр, 20:27

Мемлекет басшысы «Заң және Тәртіп» қағидатын ұстану қоғамның идеологиялық және саяси нұсқаулығына айналуы қажет екенін айтқан болатын. Өйткені әділетті елде заң мен тәртіп үстемдік құруы тиіс. Түркістан өңірінің құқық қорғаушылары осы қағидатты бұлжытпай орындайды.

Түркістан облысы аумағындағы қоғамдық орындарда жасалатын қылмыс 37,4 пайызға азайды. Ал өңірде тіркелген жалпы қылмыс саны бұрнағы жылмен салыстырғанда 8,9 пайызға төмендеген. Полиция қызметкерлерінің табанды іс-қимылының арқасында пәтер ұрлығын жасаған 15, алаяқтықпен айналысқан 25, мал ұрлаған 27 қылмыстық тор құрықталды. Сондай-ақ, есірткінің заңсыз айналымына қатысты 572 дерек әшкереленді. Заңсыз айналымнан 1 тонна 330 келіден астам есірткі заттары тәркіленді.


Желіде онлайн жүйе арқылы тікелей эфирде халыққа есеп берген Түркістан облысы Полиция департаметінің бастығы Мұрат Қабденов атқарылып жатқан жұмыстың нәтижесін осындай нақты деректермен жария етті. Бейнеролик және баяндама арқылы жасалған есептен байқағанымыздай, өңірдегі криминогендік ахуал тұрақты. Түркістан облысы еліміздегі қылмыс дерегі ең аз аймақтардың қатарына жатады. Мұны статистикалық көрсеткіштер де айғақтайды.
Бүгінгі таңда тұрғындарға онлайн режимде есеп беру қолжетімділікті қамтамасыз етеді. Ыңғайлы әрі ашықтықтың айқын көрінісі. Жұртшылықпен жүздесуге департамент басшылығы және 17 қала мен аудандық полиция басқармаларының жетекшілері қатысты. Тұрғындар тікелей эфир арқылы 100-ге жуық сұрақ қойды. Көпшіліктің сауалы мен оған жауап жол бойындағы бейнебақылау камералары, қылмыстық істердің тергелуі, құжат рәсімдеу тәртібі, қызметке қайта орналасу, сондай-ақ, құқық бұзушылықтың алдын алу (профилактика) төңірегінде өрбіді. Облыстың бас полицейі мен құрылым басшылары тарапынан әр сауал бойынша толыққанды жауап пен мағлұмат берілді.
Айта кеткен жөн, Түркістан облысының тәртіп сақшылары «Қауіпсіз қоғам — Қауіпсіз ел» қағидасын басшылыққа ала отырып, елеулі жетістікке жетіп отыр.
JQ-Aqparat

Суреттер: Түркістан облыстық полиция департаментінің баспасөз қызметі 

18 сәуiр, 13:34
Түркістан: облыс полициясы 8 тәулік ішінде 2312 құқық бұзушылықты анықтады
17 сәуiр, 15:44
Түркістан: Сайрамдық полицейлер алаяқтықтың алдын алды
16 сәуiр, 12:24
Түркістан: Жасөспірімдер арасында құқық бұзушылыққа жол берілмейді
16 сәуiр, 12:05
Қайрат Нұрқасымов: Алматы Индустриялық аймағы – қала экономикасына серпін береді
12 сәуiр, 20:37
Түркістан: Полиция полковнигі жастарға есірткінің зардабын түсіндірді
12 сәуiр, 12:11
Түркістан: Сайрам ауданында «Құқықтық тәртіп» іс-шарасы өтуде
12 сәуiр, 12:10
Түркістан: Жетісай полицейлері «Заң және тәртіп» жобасын іске асыруда
11 сәуiр, 16:06
«Нөлдік төзімділік»: Түркістан полициясы 700-ден астам құқық бұзушыны анықтады
11 сәуiр, 15:50
Түркістан: Алаяқтар қашып құтылмайды