Ту ұстаушы Руслан Жапаров алғашқы айналымнан аса алмады

Рио-де-Жанейрода өтіп жатқан Олимпиада ойындарында таэквондадан ел намысын қорғаған Руслан Жаппаров жарыстан шығып қалды.

Руслан 1/8 финалда әзірбайжандық Радик Исаевпен кездесті. Нәтижесінде, жерлесіміз қарсыласынан 2:11 есебімен ұтылды. Осылайша, қазақ таэквондошысы Рио Олимпиадасында жүлдеге іліге алмады.

Таэквондадан ел намысын үш спортшы қорғаған еді. Бірақ үшеуі де алғашқы айналымнан әрі аса алмады. Тәуелсіз Қазақстан тарихында таэквондадан бір ғана спортшымыз жүлдеге іліккен. 2008 жылы Бейжің Олимпиадасында Арман Шылманов қола жүлдегер атанған.

Айта кетейік, Руслан Жаппаров Рио Олимпиадасында Қазақстанның туын көтеріп шыққан спортшы.

baq.kz