Төрт адамнан тапанша мен оқ дәрі, пышақ тәркіленді

Алматылық полицейлер төрт азаматтан травматикалық тапанша мен оқ-дәрілерді тәркіледі. Медеу аудандық полиция басқармасының бастығы Ілияс Өмірсеріковтың айтуынша, Назарбаев даңғылы мен Сәтбаев көшесінің қиылысында полиция қызметкерлері БМВ көлігін тоқтатқан.

Тәртіп сақшыларына көлік ішінде отырған төрт ер адамның іс-әрекеті күдікті болып көрінген.
«Көлік құралын тексеру барысында багаждан 2 травматикалық тапанша мен оларға арналған оқтар табылды және тәркіленді. Осы уақытта күдіктілердің бірінен тағы бір травматикалық тапанша, оқтар мен пышақ табылып, тәркіленді. Аталған дерек бойынша ҚР ҚК-нің 287-бабы 2-бөлігіне (Қаруды, оқ-дәрiлердi, жарылғыш заттарды және жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру) сәйкес қылмыстық іс тіркеліп, тергелі жатыр», – деді Медеу аудандық полиция басқармасының бастығы Ілияс Өмірсеріков.

Полиция өкілі қарудың кімге тиесілі екендігі сотқа дейінгі тергеу барысында анықталатынын жеткізді.

JQ-Aqparat