Төреғали Төреәлінің туыстары медициналық сараптамаға сенбейді

Төреғали Төреәлінің туыстары медициналық сараптама нәтижесіне сенбейді. Әншінің қорғаушылары тәуелсіз сарапшылар көмегіне жүгініп, қанын қайта тапсыртқан. Қазір нәтижесін күтіп отыр. Бұл туралы өнер иесінің адвокаттары мәлімдеді.
Әншінің адвокаттары Төреғалидің арақ пен есірткі қолданбағанын дәлелдеп қана қоймай, әншіні ұрып жықты деп, полицейлерді де жазаламақшы.
Адвокат Тілеужан Кішкенбаев: «Машинадан сүйрелеп, жерге, бетонға, асфальт жолға басымен жерге құлатып, барлық полиция қызметкері жабылып, қылмыскер, ауыр қылмыс жасаған қылмыскерді ұстағандай, қылмыскер ретінде көрсету арқылы әрекет жасады. Ол полиция тарапынан заңсыз болып саналады. Соның салдарынан Төреғали ауыр халде ауруханаға жеткізілді. Себебі басынан қатты соққы алған. Денесінен қаншама жарақат анықталды», — деді.

JQ-Aqparat