Тоқтар Төлешовтің тағдыры 7 қарашада шешілмек

06 қараша 2016, 10:42

toktar

2016 жылғы 7 қарашада Тоқтар Төлешов пен оның сыбайластарына қатысты сот үкімі шығады деп хабарлайды Қазақстанның Әскери сотының баспасөз қызметі.

Қазақстаннның әскери сотының хабарлауынша, Мамандандырылған ауданаралық қылмыстық істер жөніндегі әскери соты 2016 жылғы 7 қарашада сағат 16:00-де Тоқтар Төлешов пен оның сыбайластарына қатысты үкім шығарады.

Бұған дейін хабарлағанымыздай, Тоқтар Төлешовтың соты жабық режимде өтіп жатыр. Іс бойынша 25 айыпталушының да тағдыры шешілетін болады.

Еске салсақ, Төлешов биыл қаңтар айында қарулы күштер өткізген арнайы іс-қимылдар кезінде ұсталған болатын.

Маусым айының басында ҰКК Төлешов пен оның сыбайластары елдегі билікті күшпен басып алу әрекетіне бару үшін дайындық жасағанын хабарлаған.

nur.kz