Тиым салынған жерде шомылып менингит жұқтырған

Елордада тыйым салынған жерде шомылған екі азаматтан серозды менингит анықталды. Бұл туралы Астана қаласының бас мемлекеттік санитарлық дәрігері Сарқыт Бейсенова хабарлады.

«Жаз басталысымен халық арасында профилактикалық түсіндіру жұмыстарын жүргіземіз. Тұрғындарға рұқсат етілген жерлерде ғана шомылу керектігі ескертіледі. Мамыр айынан бастап күнмен қатар су да жылиды. Сәйкесінше түрлі инфекциялар көбейе түсіп, жұқпалы аурулардың артуына алып келеді. Әсіресе, ашық су қоймалары мен субұрқақтарда. Рұқсат етілмеген жерде шомылу кезінде инфекция жұқтыру қаупі жоғары. Шомылу маусымы басталғалы екі астаналық рұқсат етілмеген жерде суға түсіп, салдарынан серозды менингит жұқтырған. Өткен жылы осы кезеңде 6 адамнан серозды менингит анықталды», — деді Сарқыт Бейсенова қалалық коммуникациялар қызметінде өткен баспасөз мәслихатында.

JQ-Aqparat