Тиктокер тауда жоғалып кетті

Жетісу облысында тиктокер тауда жоғалып кетті. 36 жастағы Дамир Кушеев Текелі маңындағы тауда із-түзсіз жоғалып кетті.
7 маусым күні Қора шатқалындағы Бұрқанбұлақ сарқырамасына спорттық велосипедімен барып, бөгеттің жанында тұрып соңғы мәрте эфирге шыққан, сол жерде жергілікті қорықшының қолынан шәй ішіп, дәм ауыз тиген. Байланыс үзілгеннен кейін Кушеевтің жұбайы төтенше жағдайлар департаментіне көмек сұрап хабарласқан. Ескелді ауданының полицейлері арызды тіркеп, жедел іздестіру шараларына кірісті. Қазір таулы аймақта полицейлер мен ТЖД қызметкерлері, кинологтар жоғалған жігітті іздестіріп жатыр. Дамир Кушеев түрлі көрікті жерлерге велосипедпен барғанды ұнатады. TikTok желісінде өзінің жеке парақшасы бар. Ескелді ауданындағы туыстарында қонақта болған. Жоғалған адамның жүрген жері туралы ақпараты бар кез келген адам мына телефондарға хабарласып мәлімет беруіне болады. 8 747 558 1508, 708 252 2008, 102 немесе 112.

JQ-Aqparat