Терроризмді насихаттағаны үшін айыпталды

Астана қаласындағы Сарыарқа аудандық сотының Тәжікстан азаматына қатысты шығарған үкімі заңды күшіне енді. Бас қаланың аудандық соты Тәжікстан Республикасының 26 жастағы азаматына қатысты айыптау үкімі заңды күшіне енгенін терроризмге қарсы күрес орталығының баспасөз қызметі мәлім етті.
Тәжікстан азаматы не үшін сотталып отыр? Ол халықаралық лаңкестік ұйымдардың идеологиясын насихаттап, онымен қоймай бас қаладағы басқа да діндарларды «қарулы жиһадқа» қатысуға үндеген. Сонымен бірге лаңкестерге қаражат та жіберген. Енді ол ҚР Қылмыстық кодексінің 256 және 258-баптары «Терроризмді насихаттау», «Терроризм қызметін қаржыландыру» бойынша айыпты деп танылып, 5 жыл 6 айға бас бостандығынан айырылды.

JQ-Aqparat