Қарағанды облысының полицейлері Теміртау қаласындағы мектептердің бірінде жарылғыш зат бар деп хабарлаған белгісіз адамды іздестіріп жатыр. Бүгін түнде Теміртау қаласындағы мектепке бомба қойылды деп хабарлаған адамды табуға полицияның жедел қызметкерлері жұмылдырылды. Бомба қойылды деген мектептің ғимаратын сүзіп шыққан полицейлер қауіпті жарылғыш заттың табылмағанын мәлімдеді.
«Аталған дерек бойынша Қазақстан Республикасы Қылмыстық Кодексінің 273-бабына сәйкес қылмыстық іс қозғалды. Қазіргі уақытта полиция қызметкерлері күдіктіні анықтау бойынша кешенді жедел-іздестіру іс-шараларын жүргізіп жатыр», — деді Қарағанды облысының ПД баспасөз қызметі. Дүрлікпе ақпаратқа қатысты Теміртау қаласындағы барлық мектеп пен балабақша тексеріліп, қауіпсіздікке қатер төндіретін бомба табылмады.
JQ-Aqparat
WhatsApp: +7 705 717 9113
