Қарағанды облысында темір жол қызметкері темір жол бөлшектерін ұрлап, сатқан

Көлік полицейлері Қарағанды облысында темір жол бөлшектерін сатқан темір жол қызметкерін анықтады.

Бұл туралы ҚР ІІМ Көліктегі ішкі істер департаментінің баспасөз қызметі хабарлады.

28-шілдеде Қызылжар станциясындағы желілік полиция бөлімінің қызметкерлері жүргізген жедел-іздестіру іс-шараларының барысында Қарағанды облысының темір жол мекемелері бірінің жол мастері Р-50 маркалы, әрқайсының ұзындығы 25 метрді құрайтын 2 рельсті жергілікті тұрғындардың біріне сатқаны анықталды.

Тексеру барысында ол Қарағанды облысының 59 жастағы тұрғыны болып шықты. Келтірілген шығын көлемі — 240 000 теңге.

Қазіргі уақытта аталған факт ұрлық жөніндегі ҚР Қылмыстық кодексінің 188-бабына сәйкес, сотқа дейінгі тергеудің бірыңғай реестрінде тіркелді. Ұрланған заттар тәркіленіп алынды.

Тергеу амалдары жүргізіліп жатыр.

365info.kz