Темекі қымбаттайды

Елімізде 1 шілдеден бастап темекі өнімдері қымбаттайды. Қаржы министрлігінің темекіні қымбаттату жөніндегі бұйрық-жобасы «Ашық» НҚА порталында жарияланып, 19 мамырға дейін талқылауға ұсынылады.
«20 фильтрлі, фильтрсіз сигаретке, папиростарға, сигариллалар мен қыздырылатын темекісі бар бұйымдарға:
— 2023 жылғы 1 шілдеден бастап 2023 жылғы 31 желтоқсанды қоса алғанға дейін 710 теңге;
— 2024 жылғы 1 қаңтардан бастап 770 теңге мөлшерінде ең төменгі бөлшек сауда бағалары белгіленсін», — делінген бұйырық-жобасында.
Министрлік түсіндірмесіне сай, темекі өнімдерінің бөлшек саудадағы шекті бағаларының өсуіне мыналар себеп:
— 2023-2024 жылдары акциз мөлшерлемесі 14% көтерілді;
— импортталатын шикізат пен материалдардың құны орта есеппен 20% өсті;
— темекі өнімдерінің шикізаты мен компоненттерінің логистикасы едәуір күрделенді;
— 2022 жылы инфляция 20,3% құрады» деп жазылған ведомствоның мәлімдемесінде.

JQ-Aqparat