Тату елдің тілегі бір (Видео)

Азаттықтың ақ таңы атып, бостандық, еркіндік жолында тәуелсіз еліміздің тұғырын бекемдеу — әр азаматтың ар-намысына, абыройына байлаулы іс. Сондықтан, тәуелсіздік күні әрбіріміз үшін ұлық, аса қастерлі. Мұндай қасиетті күн өркениетті мемлекетіміздің мәртебесін көтеруге, демократиялық қоғам құндылықтарын сақтап, дамытуға дем береді.
Ал, халқымыздың татулығы мен ұлтымыздың ішкі бірлігі еліміздің жарқын болашағын айқындайды. Сондықтан, өз отбасын, көршісін, ауылдасын, жерлесін қадірлеуді үйрену мен үйрету ерекше маңызға ие болмақ. Отан үшін, отандас үшін жанқиярлыққа баратын сезім, қадір-қасиет қалыптасады. Сонда бізге жау шаппайды. Елімізді бүлікші бүлдіре алмайды, халқымызға қаскөй қастандық жасай алмайды. Әрдайым туған халқымызды, мәңгі елімізді, есіл ерлерімізді мақтан тұтуға тиіспіз!
Жасаған иеміз тәуелсіздігіміздің мүшелін мың жылдан қайыруды жазсын!

Дархан МЫҢБАЙ