Тараздық тұрғыннан 75 орам синтетика тәркіленді (Видео)

10 мамыр 2023, 17:09

Жамбыл облысының полицейлері Тараз қаласының тұрғынынан «синтетиканың» 75 орамын тәркіледі. Бұл туралы Polisia.kz мәлім етті.
Жамбыл облысы ПД-нің Есірткі қылмысына қарсы іс-қимыл басқармасының қызметкерлері есірткі заттарын аса ірі мөлшерде сақтады деген күдікпен Тараз қаласының тұрғынын ұстады. Ұсталған азаматшаның жалға алған пәтерін тінту барысында жатын бөлмеден жалпы салмағы 21,51 гр Альфа-PVP “синтетикасы” бар 75 орам тәркіленді.
«Аталған дерекке қатысты ҚР ҚК 297-бабы 3-бөлігімен сотқа дейінгі тергеу амалдары басталды. Осы баптың санкциясына сәйкес, күдіктінің мүлкі тәркіленіп, 10 жылдан 15 жылға дейінгі мерзімге бас бостандығынан айыру түріндегі жаза көзделгенін» айтты Жамбыл облысы ПД ЕҚҚІБ бастығы Әлім Бажықбаев.