Тараздағы жойқын жалын көп адамның өмірін жалмай жаздады (видео)

Орталықтағы көп қабатты үйдің бірі қызыл жалынға оранып, ондағы бүкіл тұрғындарды қауіпсіз жерге көшіруге тура келген.

Тоғыз адамды төтенше жағдай қызметкерлері шарпыған жалынның арасынан шығарып алды. Оның үшеуі балалар. ktk.kz хабарлағандай, түтінге тұншығып, денесін күйік шалған жасқа толмаған сәби дереу ауруханаға жеткізілген. Дәрігерлер оның жағдайы қалыпты деп отыр. Өрт үшінші қабаттағы пәтердің бірінде тұтанып, лезде күш алған екен. Үй иесі кішкентай баласымен от құрсауынан әзер қашып құтылыпты. Жалынды ауыздықтауға 9 техника мен 32 құтқарушы жұмылдырылған. Қазір өрттің шығу себебі анықталуда.