Тараздағы даңғаза той жұртты шошытты (Видео)

Той кортежімен серуендеп жүрген Тараз жастары бұрынғы жол ережесін бұзушылардан асып түсті. Белгісіз бір азаматтың қатты жүйткіп келе жатқан лимузиннен екінші бір көлікке ауысып мінгені бейнетіркеуішке түсіп қалған.

Басын бәйгеге тіккен жігіт қатарласа қарсы бетке шыққан мына жеңіл машина терезесінен лимузинге ауысып, сәлден соң сол ізімен өз көлігіне қайта отырады. Бұл бейтаныс жігіттің ақылға қонымсыз тірлігін достары ерлікке балағандай. Қауіпті трюк жасаған азаматтың кім екенін полицейлер анықтай алмай жатыр. Ал екі машинаның нөмірлері анық көрінетіндіктен, ереже бұзған жүргізушілерді табу қиынға түскен жоқ. Тәртіп сақшылары екеуіне 10 мың теңгеден айыппұл салынып, лимузин жүргізушісі жұмыстан қуылыпты.