Таразда әскерге барғысы келмеген жігіт тамырын кеспек болды

Таразда әскерге шақыру науқаны жүріп жатыр. Әлеуметтік желіде мобильді топтың жас жігітті көшеден алып кетпекші болғаны туралы бейнежазба тарады. Ол балағаттап, қаша жөнеледі. Мобильді топ оны қуып жетіп ұстағанда тамырын кесуге әрекет жасаған.
CMN  мәліметінше, Тараз гарнизоны баспасөз қызметінің жетекшісі Дина Мухаринова оның бұл әрекеті манипуляция екенін айтты.
«Әскерге шақыру кезеңінде мобильді топтар құрылады. Оның құрамында жергілікті атқару органдары, полиция департаменті және әскери басқарма органдары өкілдері кіреді. Мобильді топтың міндеті әскерге шақырылғандардың уақытында келуін қамтамасыз ету.
Ал мына жағдайда жігіт тамырын қасақана кеспекші болды. Ауыр жарақат алған жоқ. Сөйлескен кезде оның әскерге жарамайтыны, тіпті ресми құжаты бар екені белгілі болды. Бірақ не үшін осындай агрессия көрсеткені түсініксіз», — деді Мұхаринова.
Оның айтуынша, жігіттің әскерге жарамсыз екені мұқият тексеріледі.

JQ-Aqparat

Сурет: видеодан кадр