Талғардағы жасөспірім өлімі: Күдіктілер қамалды

09 қазан 2024, 15:22

Талғарда кәмелетке толмаған баланы өлтірді деген күдікке ілінгендердің барлығы уақытша ұстау изоляторына қамалды.

Қылмыстық істі ІІМ ерекше бақылауына алып, арнайы жедел-тергеу тобы жұмыс істеп жатыр. Қазір бейнебақылау камераларынан алынған жазбалар зерттеліп жатыр.

«Қазіргі уақытта 7 адамның қылмысқа қатысы бар екені анықталды. Жәбірленуші тараптың дәлелдері бойынша, басқа тұлғалардың қатыстылығын анықтау үшін тергеу шеңберінде тексеру жүргізіліп жатыр. Әрқайсысына қатысты құқықтық баға берілетін болады. Қайтыс болған жасөспірімнің заңды өкілдері тергеу барысы туралы хабардар етілуде», — деді Алматы облысы ПД бастығының міндетін атқарушы Серік Шалқаров.

JQ-Aqparat