Талдықорған: қалалық білім бөлімінің бұрынғы басшысының денесі Қаратал өзенінен табылды

12 маусым 2023, 16:36

Қаратал өзенінің маңында Талдықорған қалалық білім бөлімінің бұрынғы басшысы Роза Барманованың мәйіті табылды. Ақпаратты Жетісу облыстық полиция департаменті растады.
Ведомствоның баспасөз қызметі жазғандай, Қаратал өзенінің маңында зорлық-зомбылық белгілері жоқ әйелдің денесі табылды. Өлім дерегі қалалық ішкі істер органдарында тиісті тексеруді ұйымдастырумен ресми тіркелді. Өлімнің себебін анықтау үшін сот-медициналық сараптама тағайындалды.
Роза Барманова 2016 жылдан 2022 жылға дейін қалалық білім бөлімінің басшысы лауазымын атқарған.
Кейін оның лауазымына Жандос Жолдыханов келді. Жандос Жолдыханов 280 миллион теңге пара алды деген күдікке ілініп, қамауда отыр.

JQ-Aqparat