Тұрсынбек пен Төреғали телеарнаны шаршатты

«Қазақстан» ұлттық арнасында жаңа маусым табысты басталғанын атап өткен телерадиокорпорация басшысы Ерлан Қаринге көрермен тарапынан ұсыныс жасалды. 

— Сіз келгелі ұлттық арнаға жаңа леп келді, қуаныштымыз. Кішкене өтініш. Ұлттық арна Тұрсынбек пен Төреғалидің бір концертін жібермей көрсетеді. Одан қалса демалыс пен мереке сайын тағы қайталау (не деген тегін жарнама екенін). Қазақстанда екеуінен басқа да әртіс бар шығар. Телеарнаны шаршатты,-дейді қарағандылық журналист, қоғам белсендісі Ләззат Қожахметова.

Дұрыс айтасыз. […] азайтса жақсы болар еді,-деп қолдады желі қолданушылары. Ерлан Қариннің өзі болса, бұл ұсынысқа лүпіл басып, өз пікірін білдіруге асыққан жоқ.
Ұлттық арнада жаңа әртістер, жаңа тұлғалар көріне ме, көрінбей ме — оны уақыт көрсетеді.

Жасұлан Күрішбек

qasym.kz