Сыншылар бүркітші Айшолпан туралы фильмнің деректі екеніне күмәнді (видео)

АҚШ кино сыншылары Моңғолиядағы  қазақтың бүркітші қызы Айшолпан  туралы режиссер Отто Белл түсірген картинаның деректі фильм екеніне күмән келтіруде.  «The Eagle Huntress»  аталатын деректі фильм прокатта 2,8 млн доллар қаржы жинады. Алайда аталған туынды «Оскар» сыйлығы бойынша финалдық іріктеуге ұсынылған еді, деп хабарлайды БИ-Би-Си.   «The Eagle Huntress» фильмі Британ  академиясы ұйымдастыратын BAFTA кино және телевизия өнері сыйлығына ұсынылғаннан бастап  сыншылардың пікірі екіге бөлінді.

70-  BAFTA сыйлығын марапаттау рәсімі 12 ақпанда Альберт-Холл концерт сарайында өтеді. Кейбіреулері фильмді деректі емес,  арнайы қойылған фильм екенін алға тартады. Ал көрермендер фильмді ертегі ретінде қабылдады. Алайда режиссер Отто Белл мұндай сынмен келіспейді. Оның айтуынша фильм болған оқиға бойынша түсірілген. Енді бір сыншы фильмнің деректі ертегі екенін жазды.